कविता

 आऊ फेरी मायाँ गरौँ

त्यो बेला 

तिमीलाई पनि

मेरो मायाँ लागेकै हुनुपर्छ 

नभए कसरी  " तिमी "

भन्नै छोडेर मेसेजमा 

 " तँ " लेख्यौ  त ?

तिमी बोल्दैनौ 

भेट्दैनौ, खोज्दैनौ 

मलाई 

लाग्छ चिनेकै छैन 

बोलेकै छैन,

म नहुनुको गुनासो छैन 

अभाव छैन मेरो 

म त यहि सोध्छु 

कसरी भुल्यौ हँ ?

परानको टुकुरी

मायाँको पोकी 

भन्थ्यौ हैन !

खै त तिम्रो परान 

खै त तिम्रो मायाँ ?

बाँची कि मरी 

सोध्न पनि त सोधेनौ 

म रिसाँउदा

गल्ति भएछ कि 

सम्म सोचेनौ 

पश्चाताप गरेनौ 

फकाएनौ पनि त ।

अनि ,

फेरी किन सम्झे झैं गर्छौ

मायाँ लागे झैं गर्छौ 

तिमीले "गुडनाइट"

भन्दैमा रात शुभ हुने भए ,

खै त यत्तिका दिन भनेनौ 

अँध्यारो मुख लाउँदैमा 

कसरी बुझ्नु दुखी छौ भनि ।

आखिरमा ,

मायाँको त महशुस हुँदो रहेछ

याद पनि त गर्दो रहेछौ

अनि के 

सधैं मैले भन्नु पर्ने 

आऊ न त मायाँ गर्छु भन 

फेरी त्यसै गरी,

आइ लव यु अन्ठानब्बे करोड 

हेहे ... आऊ फेरी मायाँ गरौँ  ।।