गजल

खाली खाली जस्तो 

सबै मान्छेहरु झुटा झुटा जाली जाली जस्तो 

एउटै तिमी नहुँदा कति खाली खाली जस्तो

यति फिक्का र खल्लो भएको छ जीन्दगी यो

बिना टीका सजाइएको थाली थाली जस्तो 

बिष नै ओकले नि अमृत लाग्दो हो तिम्रो त 

पराइको मीठो बोलि पनि गाली गाली जस्तो

मरेछु कि जिउँदै छु थाहै हुन्न कहिलेकाहीँ

हाँगै भाँची छोडेको त्यो डाली डाली जस्तो 

सबै मान्छेहरु झुटा झुटा जाली जाली जस्तो

एउटै तिमी नहुँदा कति खाली खाली जस्तो