तिम्रो आँखामा संसार देख्ने रहर भो
कि त थप्देऊ अझै चोट लेख्ने रहर भो
हेरिदिँदा फर्की तिमीले घायल म हुन्छु
गए ज्यानै जाओस् बोल्देऊ बोली सुन्छु
तिम्रो मनको संघारमा टेक्ने रहर भो
कि त थप्देऊ अझै चोट लेख्ने रहर भो
मौनता तोडेर छर्देऊ मीठो मुस्कान
बदलामा मेरो हजुर लगे लैजाऊ प्राण
तिम्रो भागको दुख सारा छेक्ने रहर भो
कि त थप्देऊ अझै चोट लेख्ने रहर भो
तिम्रो आँखामा संसार देख्ने रहर भो
कि त थप्देऊ अझै चोट लेख्ने रहर भो
No comments:
Post a Comment