कति लेखियो
कति बोलियो
दुनियाँकै बारे
अफसोच छ मलाई
तिमीले दिएको मायाँको
बर्णन मैले कहिल्यै गर्न सकिन ।
तिम्रो मायाँले
मलाई चकित बनाउँछ
दुइटा थोप्लो र ओ जस्तो
अनि
यति प्रफुल्लित
म सक्दिन त्यसको पनि बर्णन गर्न ।
मेरो कमजोरी भने भन
तिम्रो मायाँ
म ब्यक्त गर्न सक्दिन
सायद त्यहि भएर होला
आज पनि
तिमी देख्ने बित्तिकै
झ्याप्पै अँगालो हालूँ
जस्तो भएको छ ।
No comments:
Post a Comment